2
Verba mea áuribus pércipe, Dómine ; *
intéllege gémitum meum.
3
Inténde voci clamóris mei, *
rex meus et Deus meus.
4
Quóniam ad te orábo, Dómine, †
mane exáudies vocem meam ; *
mane astábo tibi et exspectábo.
5
Quóniam non Deus volens iniquitátem tu es ; †
neque habitábit iuxta te malígnus *
6
neque permanébunt iniústi ante óculos tuos.
7
Odísti omnes, qui operántur iniquitátem, †
perdes omnes, qui loquúntur mendácium ; *
virum sánguinum et dolósum
abominábitur Dóminus.
8
Ego autem in multitúdine misericórdiæ tuæ †
introíbo in domum tuam ; *
adorábo ad templum sanctum tuum
in timóre tuo.
9
Dómine, deduc me in iustítia tua
propter inimícos meos, *
dírige in conspéctu meo viam tuam.
10
Quóniam non est in ore eórum véritas, *
cor eórum fóvea ;
sepúlcrum patens est guttur eórum, *
mólliunt linguas suas.
12
Et omnes, qui sperant in te, læténtur, *
in ætérnum exsúltent.
Obumbrábis eis, et gloriabúntur in te, *
qui díligunt nomen tuum ;
13
quóniam tu benedíces iusto, Dómine, *
quasi scuto, bona voluntáte coronábis eum.
Iuxta novæ vulgatæ editionis textum.
Copyright © 1999 Libreria Editrice Vaticana.